'A Signa e 'u Papanzicu*

 

“Signa malapatuta,

'ammi torti e immiruta.”

 

Cantava un papanzicu a 'na signa,

ca stava 'ncapu na catasta 'e ligna;

un ccippiteddru 'sta signa pariva,

misa ddrà 'ncapu 'un si smuviva.

 

“Signa malapatuta,

'ammi torti e immiruta.”

 

Pi tutta la jurnata la 'nzunzuniava.

'A signa stava muta e nun shatava;

ma c'un santu chi fa, po', lu 'ngaglia,

tinennulu forti cu 'na so tinaglia.

 

“Signa amurusa, lassami stari,

ca pi babbiu stava a cantari.”

 

“Ca si' lagnusu, ci dissi, 'u sannu tutti;

si' ladiu e ha 'na panza comu'na vutti;

e ora sacciu ca si vili e nun serbi a nenti:

spertu cu i debbuli e babbu cu i potenti.”

                            (Pino Bullara)