Bittordu era un bravu viddraneddru:
"scarpi sgossi e gran ciriveddru".

'U re sapiva ca era un gran spirtazzu

e lu vonzi cu iddru, nu so palazzu.

Un jornu, lu chiamà pi ci parlari,

picchì nun si sapia arraccapizzari

comu ma' figli di re e di baruna,

a li voti, ponnu nasciri turduna;

mentri, puru 'i figli di povira genti,

ponnu nasciri beddri e ‘ntilligenti.

Ora, Bittordu circà d’un sbagliari,

e 'stu discursu e' rignanti ci j' a fari:

«O stessu modu tutti 'i figli facemu,

po' l’educamu comu megliu putemu.

Chista è la vita, cari re e rigina:

asinu puta... e Diu fa racina.»

(Pino Bullara)