‘U re scursuni

 

‘I giurani, stanchi du so stessu vuciari,

priaru Giovi, e un re si ficiru mannari;

arricivennu, comu re, un  pezzu di lignu,

n’addumannaru unu ca fussi cchiù dignu.

 

Giovi arrabbiatu, o postu du  re vastuni,

ci mannà, di li so celi, un re scursuni:

un re tirannu, ca  malu si cumpurtava,

un re ca li stessi giurani si mangiava.

 

Quannu ci sunnu problema ni li  società,

tutti vonnu ca veni "un omu cu autorità".

Chistu, comu sempri, po’  a tutti vastunìa;

e ‘a cura fatta.... è cchiù tinta da malatìa.

 

                              (Pino Bullara)